Room 9 Sentiment: ‘రూం నెం.9’లో బాలయ్య విక్టరీ? సెంటిమెంట్‌‌తో హిస్టరీ రిపీట్!

మరికొన్ని గంటల్లో ఏపీ ఎన్నికల ఫలితాలు తేలిపోనున్నాయి. త్రిముఖ పోరులో వైసీపీ, టీడీపీ, జనసేనలు నువ్వా నేనా అంటూ పోటీపడుతుండగా.. ఏపీకి కాబోయే ముఖ్యమంత్రి ఎవరు? మళ్లీ చంద్రబాబే ముఖ్యమంత్రి కాబోతున్నారా? జగన్ సునామీ సృష్టించబోతున్నారా? పవన్ పవర్ చూపించబోతున్నారా లాంటి అంశాలతో పాటు కీలకమైన నియోజక వర్గాల ఫలితాలపై ఓటర్లు ఎంతో ఆసక్తిగా ఎదురుచూస్తున్నారు. వీటిలో పసుపు కోటగా.. టీడీపీ ఆవిర్భావం నుండి ఆ పార్టీ అభ్యర్ధులకు ఓటమన్నదే లేకుండా కంచుకోటగా ఉన్న హిందూపురం అసెంబ్లీ నియోజకవర్గ ఫలితంపై సర్వత్రా ఆసక్తి నెలకొంది.

ఇక్కడ నుండి నందమూరి బాలకృష్ణ రెండోసారి బరిలో నిలవడంతో ఈ ఉత్కంఠ రెట్టింపుఅయ్యింది. అయితే బాలయ్య గెలుపు ఖాయమే అని టీడీపీ వర్గాలు భావిస్తుండగా.. బాలయ్య కూడా గెలుపుపై ధీమాగానే ఉన్నారు. అయితే గెలుపుపై ఎంత ధీమా ఉన్నప్పటికీ సెంటిమెంట్‌ను ఫాలో అవుతున్నారు బాలయ్య.

వాస్తవానికి బాలయ్యకి కాస్త సెంటిమెంట్లు ఎక్కువ. అందుకే ప్రతి విషయంలోనూ సెంటిమెంట్ ఫాలో అయ్యే బాలకృష్ణ ఆఖరుకి ఫలితాల రోజున బసచేసే రూమ్ నెంబర్ విషయంలోనూ సెంటిమెంట్‌ను రిపీట్ చేస్తున్నారు. 2014 ఎన్నికల్లో హిందూపురం నియోజకవర్గం నుంచి ఎమ్మెల్యేగా గెలిచిన బాలకృష్ణ… కౌంటింగ్ సమయంలో ఆర్డీటీ స్టేడియంలో బస చేశారు. అప్పట్లో ఆయనకు రూం నెం.9ని కేటాయించారు.

ఇక ఈ ఎన్నికల్లోనూ అదే సెంటిమెంట్‌ను రిపీట్ చేస్తూ.. రూం నెం.9లోనే ఉన్నారట బాలయ్య. బాలయ్య లక్కీ నెంబర్ 9. గతంలో ఇదే లక్కీ నెంబర్‌తో హిందూపురంలో బంపర్ విక్టరీ కొట్టారు. మరి ఈసారి ఈ నైన్.. ఆల్ ఈజ్ ఫైన్ అనిపిస్తుందో.. బాలయ్యకి విజయాన్ని అందిస్తుందో లేదో చూడాలి.

Leave a Reply